శివ తాండవ స్తోత్రం

హర్ హర్ హర్ హర్ హర్ హర్ హర్ హర్ మహాదేవ్ ..

హర్ హర్ హర్ హర్ హర్ హర్ హర్ హర్ మహాదేవ్

ఓం భైరవ రుద్రాయ

మహా రుద్రాయ

కాల రుద్రాయ

కల్పాంత రుద్రాయ

వీర రుద్రాయ

ఉగ్ర రుద్రాయ

ఘోర రుద్రాయ

అఘోర రుద్రాయ

మార్తండ రుద్రాయ

అణ్డ రుద్రాయ

బ్రహ్మాండ రుద్రాయ

చండ రుద్రాయ

ప్రచండ రుద్రాయ

థండ రుద్రాయ

సూర రుద్రాయ

వీర రుద్రాయ

భవ రుద్రాయ

భీమ రుద్రాయ

అథల రుద్రాయ

విథల రుద్రాయ

సుథల రుద్రాయ

మహాథల రుద్రాయ

రసాతల రుద్రాయ

తలాతల రుద్రాయ

పాతాల రుద్రాయ

నమో నమః

జటాటవీ గలజ్జల ప్రవాహ పావితస్థలే

గలేవలంబ్య లంబితాం భుజంగతుంగమాలికామ్ ।

డమ-డ్డమ-డ్డమ-డ్డమన్నినాదవడ్డమర్వయం

చకార చండతాండవం తనోతు నః శివః శివమ్ ॥ 1 ॥

జటాకటాహసంభ్రమభ్రమన్నిలింపనిర్ఝరీ

-విలోలవీచివల్లరీ విరాజమానమూర్ధని ।

ధగద్ధగద్ధగజ్జ్వలల్లలాట పట్టపావకే

కిశోరచంద్రశేఖరే రతిః ప్రతిక్షణం మమ ॥ 2 ॥

ధరాధరేంద్ర నందినీ విలాసబంధు బంధుర

స్ఫురద్దిగంత సంతతి ప్రమోద మానమానసే ।

కృపాకటాక్షధోరణీ నిరుద్ధ దుర్ధరాపది

क्క్వచిద్దిగంబరే మనోవినోదమేతు వస్తుని ॥ 3 ॥

జటాభుజంగ పింగళ స్ఫురత్ఫణా మణిప్రభా

కదంబ కుంకుమ ద్రవ ప్రలిప్త దిగ్వధూముఖే ।

మదాంధ సింధుర స్ఫురత్త్వగుత్తరీయమేదురే

మనో వినోదమద్భుతం బిభర్తు భూతభర్తరి ॥ 4 ॥

సహస్రలోచన ప్రభృత్యశేషలేఖ శేఖర

ప్రసూనధూళి ధోరణీ విధూసరాంఘ్రి పీఠభూః ।

భుజంగరాజమాలయా నిబద్ధ జాటజూటకః

శ్రియై చిరాయ జాయతాం చకోరబంధు శేఖరః ॥ 5 ॥

లలాట చత్వరజ్వలద్ధనంజయ స్ఫులింగ భా

నిపీత పంచసాయకం నమన్నిలింపనాయకమ్ ।

సుధామయూఖలేఖయా విరాజమాన శేఖరం

మహాకపాలి సంపదే శిరోజటాలమస్తు నః ॥ 6 ॥

కరాళ ఫాలపట్టికా ధగద్ధగద్ధగజ్జ్వల-

-ద్ధనంజయాహుతీకృత ప్రచండ పంచసాయకే ।

ధరాధరేంద్ర నందినీ కుచాగ్ర చిత్రపత్రక-

-ప్రకల్పనైకశిల్పిని త్రిలోచనే రతిర్మమ ॥ 7 ॥

నవీనమేఘమండలీ నిరుద్ధ దుర్ధర స్ఫురత్-

కుహూ నిశీథినీ తమః ప్రబంధ బద్ధ కంధరః ।

నిలింప నిర్ఝరీధరస్తనోతు కృత్తిసింధురః

కళానిధాన బంధురః శ్రియం జగద్ధురంధరః ॥ 8 ॥

ప్రఫుల్ల నీల పంకజ ప్రపంచ కాలిమప్రభా-

-వలంబి కంఠ కందలీ రుచి ప్రబద్ధ కంధరమ్ ।

स्స్మరచ్ఛిదం పురచ్ఛిదం భవచ్ఛిదం మఖచ్ఛిదం

గజచ్ఛిదాంధకచ్ఛిదం తమంతకచ్ఛిదం భజే ॥ 9 ॥

అగర్వ సర్వమంగళా కళాకదంబమంజరీ

రసప్రవాహ మాధురీ విజృంభణా మధువ్రతమ్ ।

స్మరాంతకం పురాంతకం భవాంతకం మఖాంతకం

గజాంతకాంధకాంతకం తమంతకాంతకం భజే ॥10 ॥

జయత్వదభ్ర విభ్రమ భ్రమద్భుజంగమశ్వస-

-ద్వినిర్గమత్ క్రమస్ఫురత్ కరాళ ఫాలహవ్యవాట్ ।

ధిమిద్ధిమిద్ధిమిధ్వనన్ మృదంగ తుంగ మంగళ-

-ధ్వనిక్రమ ప్రవర్తిత ప్రచండ తాండవః శివః ॥ 11 ॥

దృషద్విచిత్ర తల్పయోర్భుజంగ మౌక్తి కస్రజోర్-

గర్రిష్ఠ రత్నలోష్ఠయోః సుహృద్విపక్ష పక్షయోః ।

తృణారవింద చక్షుషోః ప్రజామహీ మహేంద్రయోః

సమప్రవృత్తికః కదా సదాశివం భజామ్యహమ్ ॥ 12 ॥

కదా నిలింపనిర్ఝరీ నికుంజకోటరే వసన్

విముక్త దుర్మతిః సదా శిరస్థమంజలిం వహన్ ।

విలోల లోలలోచనో లలామఫాలలగ్నకః

శివేతి మంత్రముచ్చరన్ కదా సుఖీ భవామ్యహమ్ ॥ 13 ॥

ఇమం హి నిత్యమేవముక్తముత్తమోత్తమం స్తవం

పఠన్ స్మరన్ బ్రువన్నరో విశుద్ధిమేతి సంతతమ్ ।

హరే గురౌ సుభక్తిమాశు యాతి నాన్యథా గతిం

విమోహనం హి దేహినాం సుశంకరస్య చింతనమ్ ॥ 14 ॥

పూజావసానసమయే దశవక్త్రగీతంः

యః శంభుపూజనపరం పఠతి ప్రదోషే ।

తస్య స్థిరాం రథగజేంద్ర తురంగయుక్తాం

లక్ష్మీం సదైవ సుముఖీం ప్రదదాతి శంభుః ॥ 15 ॥

ఈతి శ్రీరావణ - కృతం శివ - తాణ్డవ స్తోత్రం సమపూర్ణం